Víkurgata 7, 210 Garðabær 249.900.000 Kr.
Raðhús
9 herbergi
349 m2
249.900.000
  • Stofur 3
  • Svefnherbergi 6
  • Baðherbergi 3
  • Inngangur Sér
  • Byggingaár 2021
  • Brunabótamat 0
  • Fasteignamat 182.750.000

Palsson Fasteignasala kynnir:

Glæsilegt endaraðhús við Víkurgötu í Urriðaholti, Garðabæ, með einstakt útsýni yfir Urriðavatn og Heiðmörk.

* 6 svefnherbergi, 3 baðherbergi, 2 eldhús, 2 þvottahús, 3 svalir.  
* Rut Káradóttir sá um innanhússhönnun aðalrýmis.
* Aukaíbúð á jarðhæð með sérinngangi. Hægt er að sameina íbúðirnir með auðveldum hætti. Aukaíbúðin er í útleigu í dag.
* Húsið er staðsteypt og er klætt að utan með hvítri og dökkri álklæðningu og lerkiborðum.
* Stór garður sem er ókláraður að hluta.


Nánari upplýsingar veita:
Páll Pálsson Lgf. í síma nr 775-4000 eða [email protected]
www.eignavakt.is
www.verdmat.is 
Góð ráð fyrir kaupendur / seljendur

Eignin er skráð 349,00 m2 samkv. Fasteignaskrá Íslands.

Nánari lýsing eignar :
2. hæð
Forstofa: Flísalögð með stórum sérsmíðum fataskáp, flísalögðum vegg og innfelldum spegli með lýsingu.
Hjónaherbergi: Parketlagt með gegnheilu parketi, bjart og rúmgótt. Mikið skápapláss og sérsmíðað skrifborð.
Svefnherbergi 1: Parklegtlagt með gegnheilu parketi, bjart og rúmgott með stórum gluggum. Útgengt á vestursvalir.
Svefnherbergi 2: Parketlagt með gegnheilu parketi, bjart og rúmgott.
Sjónvarpsrými: Bjart og opið rými með flísalögðu gólfi og hólfað með flísalögðum vegg. Stór gólfsíður gluggi og útgengt á vestursvalir. 
Baðherbergi; Flísalagt í hólf og gólf. Vegghengt klósett og rúmgóð ”walk-in” sturta með sturtuhaus og handsturtu. Innfelldur gólfsíður spegill og dökkt sturtugler. Fallegt frístandandi steinbaðkar með krana og handsturtu. Sérsmíðuð innrétting.
Þvottahús: Aðgengileg inn af baðherbergi með sérsmíðaðri rennihurð. Flísalagt gófl.
 
3. hæð
Gengið er upp teppalagðan stiga með mjúku undirlagi. 
Eldhús: Eldhús er flísalagt með fallegri innréttingu, miklu geymsluplássi í skápum, skúffum og hillum. Aukið vinnupláss með opnanlegum rennihurðum. Opinn kaffibar með LED-lýsingu og Dekton-borðplötu. Tveir ofnar í innréttingu, bakaraofn og combi- bakara og örbylgjuofn frá Siemens. Innbyggður heill kæliskápur og innbyggður lítill frystiskápur undir borðplötu. Eldhúseyja með Dekton borðplötu, vaski og helluborði með innbyggðri viftu. Innbyggður vínkælir undir borðplötu í eyju. Framan á eldhúseyju er fallegur marmarasteinn. Gluggi til suðurs með opnanlegu fagi. 
Baðherbergi: Fyrir framan baðherbergi er rúmgóður búrskápur. Vegghengt klósett og stór sérsmíðuð innrétting með borðplötu og sérsmíðum vaski úr marmara. Hlýleg lýsing.
Borðstofa og setustofa: Borðstofa og setustofa eru samliggjandi í flísalögðu opnu og björtu rými með aukinni lofthæð. Stórir gluggar til vesturs, suður og norðurs. Útgengt á tvennar svalir til suðurs og norðurs. Sérsmíðaðar hillur með LED-lýsingu og sérsmíðuð sæti við glugga með miklu skúffuplássi. Frístandandi arinn aðskilur borðstofu og setustofu með gleri á báðum hliðum. Hljóðvistarplötur í hluta lofts.
Svefnherbergi 3 / Skrifstofa: Flísalagt gólf. Falleg sérsmíðuð innrétting með innbyggðum hillum og LED-lýsingu. Langt sérsmíðað skrifborð sem rúmar auðveldlega tvo skrifborðsstóla. Herbergið er notað í dag sem skrifstofa og gestaherbergi.
 
Jarðhæð/Aukaíbúð
Gengið er inn um sérinngang á jarðhæð. 
Andyri: Andyri er flísalagt. Rúmgóðir fataskápar frá Kvik.
Baðherbergi: Baðherbergi er flísalagt í hólf og gólf með walk-in sturtu og baðherbergi. Dökk gegnheil inréttingu með innfelldum steinvask og innfelldum speglaskáp. Dökkt sturtugler.
Þvottahús: Flísalagt þvottahús með innréttingu frá Kvik.
Eldhús, borðstofa og sjónvarpsstofa: Samliggjandi í opnu og björtu rými. Stórt eldhús með eyju og dökkri innréttingu frá Kvik með Quartz-borðplötu. Tveir innbyggðir ofnar, bakaraofn og combi bakara- og örbylgjuofn. Innbyggður heill ísskápur og innbyggður lítill frystir undir borðplötu. Stórir gólfsíðir gluggar með útsýni yfir Urriðavatn. Rúmgóð borðstofa og sjónvarpsrými. Harðparket á gólfi.
Hjónaherbergi: Rúmgott og bjart með gólfsíðum gluggum.
Svefnherbergi: Rúmgott og bjart.
 
Bílskúr
25,6 m² bílskúr með bílskúrshurðaopnara. Lagnir til staðar til að setja upp vask. Sérbílastæði fyrir framan bílskúr með hleðslustöð fyrir rafbíl. 5 sameiginleg bílastæði.
 
Efnisval, innréttingar og tæki
Afar vandaðar innréttingar úr hnotu sérsmíðaðar eftir teikningum Rutar Káradóttur. Sérsmíðaðar gereftislausar innihurðir úr hnotu.
Á gólfum eru ítalskar Fioranese I Cocci flísar frá Ebson. Á svefnherbergjum er niðurlímt gegnheilt parket frá Ebson. Blöndunartæki, sturtuhausar, og handsturtur á baðherbergjum eru frá GESSI. Blöndunartæki í eldhúsi er AXOR Starck með útdraganlegum haus. Ofnar, ísskápur og frystir er frá Siemens. Lítill innfelldur vínsskápur frá Temptech með tveimur hitastillingum. Baðkör eru steinbaðkör frá Lusso Stone.
Stigi milli 2. og 3. hæðar er teppalagður með African Spirit 88 gólfteppi frá Parket með mjúku undirlagi.
Allar hurðir, rennihurðir, innréttingar í eldhúsi og baðherbergjum og skápar á 2. og 3. hæð, auk fataskápa í hjónaherbergi og andyri, er sérsmíði úr dökkbæsaðri hnotu af Heggur Innréttingar.
Borðplata í eldhúsi er úr Dekton og marmara (Fior Di Bosco). Dekton er rispu- og hitaþolinn steinn svo leggja má heita hluti beint á steininn, auk þess sem hann dregur ekki í sig bletti. Borðplata og vaskur á baði á 3. hæð er úr marmara (Fior Di Bosco).
Lýsingarhönnun og ljós er frá Lumex Lýsingu og gólfhita er hægt að stilla með Free at home stjórnkerfi. Gólfhiti er í öllum gólfum. 
Dökkar felligardínur og rúllugardínur á 2.-3. hæð eru frá Skermi. Aðrar gardínur eru sérsaumaðar. 
Á jarðhæð/aukaíbúð er harðparket frá Ebson og í forstofu, þvottahúsi og baðherbergi eru ítalskar Fioranese I Cocci flísar frá Ebson. Innréttingar og innbyggðir skápar eru frá Kvik og ofnar og ísskápur eru frá Siemens. 

Óklárað
Eignin er skráð á byggingastig 4 (ÍST 51:2001) en er að stórum hluta fullfrágengin. Þó eru nokkur atriði útistandandi til þess að hún geti talist fullgerð án lóðarfrágangs. Má þar nefna varanlegt stigahandrið, handlista, frágang innra byrði svala og svalagólfs, útiljós og dyrasíma. Þá er lóð að hluta til frágengin til norðurs og vesturs með hellum og grasi en grófjöfnuð til suðurs. Klára þarf að malbika og helluleggja innkeyrslu og bílastæði og frágang á sameignarveggjum. Eignin er afhent í því ástandi sem hún er nema sérstaklega sé samið um annað. Kaupandi mun bera ábyrgð á því að sækja um lokaúttekt.

Urriðaholt
Stutt er í grunnskóla og þrjá leikskóla í göngufæri, og hverfið er vel tengt við samgönguæðar.
Urriðaholt er umlukið fjölbreyttum opnum náttúrusvæðum í Heiðmörk, við Vífilstaðavatn og við Urriðavatn með frábærum göngu- og hjólastígum. Urriðaholt er fyrsta hverfið á Íslandi til að hljóta vistvottun skv. vottunarkerfi BREEAM Communities. Einn besti golfvöllur landsins, Urriðavöllur, liggur að hverfinu en auk þess eru tveir aðrir golfvellir í næsta nágrenni, Setbergsvöllur og Leirdalsvöllur. 
Í Kauptúni er þjónustukjarni í göngufæri þar sem er meðal annars að finna IKEA, Costco, Bónus og Vínbúðina. Auk þess er í Urriðaholti að finna m.a. Krambúð, kaffihús, klippistofu, líkamsrækt, sportbar o.fl. Meira má lesa um hverfið á www.urridaholt.is

Gjöld sem kaupandi þarf að standa straum af vegna kaupanna: 
1. Stimpilgjald af kaupsamningi - 0.8% af heildarfasteignamati / 1.6% fyrir lögaðila. (0.4% við fyrstu kaup einstaklinga).
2. Þinglýsingagjald af kaupsamningi, veðskuldabréfi, veðleyfi o.fl.- kr. 2.700 af hverju skjali.
3. Lántökugjald lánastofnunar - samanber gjaldskrá viðkomandi lánastofnunar.
4. Umsýsluþóknun til fasteignasölu, sbr.kauptilboð.

Um skoðunarskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Pálsson fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Senda fyrirspurn

Skilaboð hafa verið send.

Bóka skoðun

Skilaboð hafa verið send.

SENDA FYRIRSPURN

Skilaboð hafa verið send.

SENDA Á VIN

Skilaboð hafa verið send.

Sjá söluyfirlit

Skilaboð hafa verið send.